يا جميلة فوق خميلة……….زيها ما لهاش مثيل

 

زيها!!!!…..لأ دانتي زيك…..

 

يا ملاكي……….مستحيل

 

بس قبلك…….شفت قبلك……كام جميل

 

في جمال الروح قليل……….و ف جمال العين قليل

 

أما في الوش المدور والمنور ع الغصون

 

شفت قبلك……زي ما تقولي

 

مناير في العيون

 

بس ده قبليكي إنتي…….

 

أما إنتي حاجة تانية…..

 

زيها ملهاش مثيل…..

 

زيها!!!!….. لأ دانتي زيك يا ملاكي مستحيل

 

ولا في الأرواح…….. يا قلبي ع الجمال

 

طفت بينهم زي ما يطوف الخيال

 

أقطف الزهرة الندية….. من جبين المستحية

 

وانتشي لحظة ما أشوفها

 

وارتوي ساعة الوصال

 

واملا من نهري سبيل

 

يمتلي منه العليل

 

واوصف الأشواق لغيري

 

ألتقيه من شوقي داب

 

بس ده قبليكي إنتي

 

أما إنتي حاجة تانية

 

زيها ملهاش مثيل

 

زيها!!!!…..لأ دانتي زيك يا ملاكي مستحيل

 

ريحي قلبي وقولي أوصف ايه

 

بس قبله

 

تحسبيني أقدر اوصف

 

حاجة زيك

 

يووووووووووه ….ده زيك مستحيل

 

ليه باقول زيك وعقلي مش مصدق

 

إن فيه زيك بكل الكون جميل

 

ما افتكرشي يا ملاكي

 

إن فيه حتى وراكي

 

حاجة تشبه…..بس تشبه

 

ده الجمال

 

حاجة تقدر تيجي جنبك…….

 

من بعيد…..

 

لأ ده محال…..

 

بس عارفة…….

 

ولا مش عارفه هقلك…..

 

دي الورود بتروح لضلك…….

 

تستحمى بالعبير……

 

لأ ولما كنتي قاعدة ع الحشيش الأخضراني

 

كنت حاسس بيكي زهرة

 

نبتت فوق الأماني

 

من جناين أرض

 

من شدو الأغاني

 

أي حاجة تبقي منها……

 

زيها!!!!!!!!!…….ملهاش مثيل

 

لأ تعالي…..بس لو عايزة الدليل

 

لما بتشمي الورود

 

بتداويها من رحيقك

 

واما بتمسي الوعود

 

بتواسيها من بريقك

 

واما أعرف إن حسن الأرض مالي

 

القلب طاير في العلالي

 

باعرف اني في طريقك

 

بس زيك مش هلاقي

 

أوعي تبتسمي ف خجل

 

واللؤلؤ المنثور بفمك يستحي

 

إنتي عايزة تقتليني

 

من جمالهم

 

بس أقلك….إضحكي

 

أيوة ف خجل

 

ده الحسن بينور ويملا الكون ضياء

 

مش حرام أحرم حياتي م الصفاء

 

إستحي من كلمتي

 

نوري يا بسمتي

 

بس متخبيش عيونك

 

دول سعادتي وفرحتي

 

بس صدقتي الدليل

 

يا جميلة….فوق خميلة…..زيها ملهاش مثيل